Arnór Snær snýr aftur heim

Arnór Snær er uppalinn Valsari og sló í gegn hjá félaginu áður en hann samdi við Rhein-Neckar Löwen í Þýskalandi þangað sem hann hélt sumarið 2023.

Tækifærin í Þýskalandi voru af skornum skammti og úr varð að Arnór samdi við besta lið Noregs, Kolstad. Þar hefur hann verið að spila með bróður sínum, Benedikt.

„Ég er gríðarlega sáttur með að fá Arnór til liðs við okkur. Hann er frábær leikmaður sem og liðsfélagi. Hann á eftir að koma með mikil gæði og góða orku inn í okkar leikmannahóp. Það verður gaman að sjá hann aftur í Valstreyjunni,“ segir Ágúst Þór Jóhannsson, þjálfari Vals, í tilkynningu frá félaginu.