Sjáðu dönsku þrumuna sem færði United-mönnum öll þrjú stigin

United er í fimmta sætinu en með jafnmörg stig og Chelsea (4. sæti) og Liverpool (6. sæti) sem eiga leik inni í dag. Liðið er líka sex stigum á undan Newcastle sem hefði auðveldlega getað fengið meira út úr leiknum.

Hetja kvöldsins var Daninn Patrick Dorgu sem skoraði sitt fyrsta mark fyrir félagið og það skilaði þremur stigum í hús.

Markið var stórglæsilegt, viðstöðulaust skot á lofti, óverjandi niður í bláhornið eftir að Newcastle mistókst að skalla langt innkast almennilega frá markinu.

Sigurinn var risastór fyrir United-menn sem voru án margra öflugra leikmanna, þar á meðal fyrirliðans Bruno Fernandes.

Hér fyrir neðan má sjá sigurmarkið sem og nokkur færi úr leiknum í gær.