Hand­tekin fyrir að beita opin­beran starfs­mann of­beldi

Þetta kemur fram í dagbók lögreglunnar. Alls sinnti lögreglan á höfuðborgarsvæðinu 166 málum í dag. Lögreglu barst tilkynning um líkamsárás í Hlíðunum. Málið var afgreitt með skýrslugerð. Einnig varð umferðarslys í hverfinu en minniháttar meiðsl voru á fólki.

Lögregla brást við þjófnaði í Hafnarfirði þar sem verkfærum var stolið úr gámi. Ekki liggur fyrir hver gerandinn er. 

Einn var fluttur á bráðamóttöku eftir umferðarslys í Árbænum þar sem fólksbíll hafnaði aftan á gröfu. Samkvæmt slökkviliðinu á höfuðborgarsvæðinu átti slysið sér stað um klukkan hálf átta í morgun, ekki liggja fyrir upplýsingar um líðan hins slasaða.

Við lok vaktarinnar klukkan fimm síðdegis voru tveir vistaðir í fangageymslu lögreglu.