Þor­steinn Leó öflugur í sigri Porto

Leikur kvöldsins var eign Porto frá upphafi til enda eins og við var að búast. Sigur liðsins aldrei í hættu og skoraði Þorsteinn fjögur mörk.

Porto menn taka því fleira jákvætt frá leiknum heldur en bara sigur því það að Þorstein Leó hafi verið iðinn við kolann í kvöld eru afar góð tíðindi. 

Þorsteinn gat lítið beitt sér á nýafstöðnu Evrópumóti í handbolta með íslenska landsliðinu þar sem hann hafði verið að glíma við meiðsli í aðdraganda móts.

Hann virðist nú vera að koma á fullu til baka í félagsliðaboltanum með Porto. 

Sigur liðsins í kvöld sér til þess að Porto vermir 2.sæti portúgölsku úrvalsdeildarinnar og er töluvert á eftir toppliði Sporting sem á einnig leik til góða á Porto. 

Þrjú stig eru hins vegar niður í Benfica í þriðja sætinu og þar liggur barátta Porto manna þessa stundina.