Góður leikur Elvars dugði ekki til

Elvar skilaði svo sannarlega sínu en það dugði ekki til því Anwil Wloclawek varð að sætta sig við ellefu stiga tap á heimavelli á móti Legia, 83-91.

Elvar var með 19 stig og 7 stoðsendingar í leiknum en þrjú af sex þriggja stiga skotum hans rötuðu í rétta liðið.

Anwil heiðraði Elvar fyrir frammistöðu sína í landsleikjaglugganum með því að taka „Friðriksson“ af bakinu á honum og setja „Elvar“ í staðinn eins og hann er með þegar hann spilar fyrir íslenska landsliðið.

Þetta var annað deildartap Anwil í röð en liðið situr í sjötta sæti deildarinnar. Mótherjarnir í kvöld eru í þriðja sætinu.