Extraleikarnir: Nablinn varð ná­fölur og ældi enda­laust eftir keppni

Andri Már Eggertsson var kokhraustur fyrir þrekkeppnina. Enda gerði hann sterkt tilkall á sínum tíma í Skólahreystislið Vatnsendaskóla, en hlaut ekki náðir íþróttaþjálfarans við valið.

Tómas Steindórsson var frekar svartsýnn og sagði áður en keppnin hófst, að illu væri best aflokið.

Hlutirnir snerust hins vegar fljótt, Nablinn dróst aftur úr Tomma og varð síðan alveg náfölur í framan.

„Menn höfðu áhyggjur af mér þarna. Ég var látinn fá Gatorade en ég bara kom því ekki ofan í mig. Eftir smá tíma þá bara æli ég og æli… Ég gubbaði svo mikið,“ sagði Nablinn.

Þar er þó ekki öll sagan sögð. Sigurvegari keppninnar leynist í spilaranum hér fyrir neðan.