Innlent

Barn flutt með þyrlunni eftir al­var­legt um­ferðar­slys

Rafn Ágúst Ragnarsson skrifar
Slysið átti sér stað fyrir utan söluskála Olís.
Slysið átti sér stað fyrir utan söluskála Olís. Vísir/Vilhelm

Alvarlegt umferðarslys varð á Varmahlíð síðdegis í dag. Ekið var á tvo gangandi vegfarendur, fullorðinn einstakling og barn, við söluskála Olís.

Söluskálanum er lokaður og verður það til loka þessa dags að því er segir í tilkynningu lögreglu.

Greint var frá því fyrr í dag að þyrla Landhelgisgæslunnar hefði verið kölluð út að beiðni Lögreglunnar á Norðurlandi vestra vegna umferðarslyss.

Fram kemur í tilkynningu Lögreglunnar á Norðurlandi vestra að hin slösuðu hafi verið flutt flugleiðis á Landspítalann. Þar segir að ekki sé unnt að veita frekari upplýsingar.

Tildrög slyssins eru til rannsóknar hjá rannsóknardeild lögreglunnar á Norðurlandi vestra.

Skagafjörður Samgönguslys

Mest lesið


Fleiri fréttir

Sjá meira


×

Mest lesið