Besta sætið: Hvað er Hörður Axel og Kefla­vík að hugsa?

Aðalmál dagsins var þó ferð Harðar Axels Vilhjálmssonar, þjálfara kvennaliðs Keflavíkur í körfubolta, til Tenerife um síðustu helgi. Hörður fékk að heyra það frá Körfuboltakvöldi í sjónvarpinu í gær og hefur ekki veitt viðtal vegna málsins í dag. Keflavík tapaði leiknum gegn KR.

Danir eru svo að gera heiðarlega tilraun til þess að stela aðstoðarlandsliðsþjálfaranum Arnóri Atlasyni. Tveir mánuðir eru síðan EM lauk en HSÍ hefur ekki enn samið við þjálfarateymið. Það gæti reynst dýrt spaug.

Knattspyrnulandslið karla olli vonbrigðum í Kanada og leikurinn gegn Haítí í gær var ekki mikið fyrir augað. Leikmenn voru ekki beint að nýta það tækifæri sem þeir fengu.

Svo var spáð í spilin fyrir úrslitakeppni Bónus-deildar karla en hún hefst með tveimur leikjum í kvöld.

Besta sætið er hlaðvarp íþróttadeildar Sýnar. Það kemur út alla virka daga og er aðgengilegt á öllum helstu hlaðvarpsveitum.