Trump styður við bakið á Tiger

Ágúst Orri Arnarson skrifar 3. apríl 2026 21:47

Vanessa var á svæðinu þegar Tiger keppti skömmu fyrir slysið. James Gilbert/TGL/TGL Golf via Getty Images

Vanessa Trump hefur sent sínum heittelskaða Tiger Woods stuðningskveðju á samfélagsmiðlum.

„Elska þig,“ skrifar Trump með lyndistákni tveggja rauðra hjarta í hringrásarfærslu á Instagram. Með skilaboðunum birti hún mynd af þeim á faðmast á góðri stundu.

Vanessa Trump stendur með sínum manni. instagram

Tiger hefur ekki átt sjö dagana sæla en hann er á leið í meðferð eftir að hafa ollið bílslysi og verið ákærður fyrir akstur undir áhrifum.

Vanessa er fyrrum eiginkona Donalds Trump yngri og saman eiga þau fimm börn. Leiðir þeirra skildu árið 2018 en Vanessa hélt nafninu og hefur síðan átt í ástarsambandi við kylfinginn Tiger Woods undanfarið ár eða svo.

Fjölskyldurnar eru nátengdar og börn parsins eru bæði góð í golfi, Kai Trump hefur til að mynda tekið hring með Charlie Woods.

Tiger reyndi líka að nýta tengsl sín við Bandaríkjaforsetann Donald Trump, fyrrum tengdaföður Vanessu, þegar hann var handtekinn eftir að hafa ollið bílslysi á dögunum.

Í myndbandi úr líkamsmyndavél lögreglumanns á vettvangi kemur fram að stuttu eftir slysið segir Woods lögreglunni að hann hafi talað við forsetann, áður en hann lýsir yfir undrun þegar hann er handtekinn.

Golf Bílslys Tigers Woods