Besta sætið: Grind­víkingar hafa verið mjög lé­legir

Grindavík slapp með skrekkinn gegn Njarðvík í Bónus-deild karla og þar á bæ geta menn andað léttar. Í bili. KR jafnaði sömuleiðis sína rimmu gegn Stjörnunni en loksins var aftur spilað í úrslitakeppninni vestur í bæ.

Í kvöld eru svo tveir leikir. ÍR tekur á móti Tindastóli í Breiðholtinu og svo mætast Keflavík og Valur suður með sjó. Má búast við miklum látum í báðum leikjum.

KA steinlá síðan í fyrsta leik liðsins gegn Val í undanúrslitum Olís-deildar karla. Átján marka tap sem er það stærsta í sögu úrslitakeppninnar.

KR pakkaði Val saman í Mjólkurbikar karla í fótbolta. KR yfirspilaði slaka Valsara lungann úr leiknum.

Svo má ekki gleyma Meistaradeildinni en þar eru tveir risaleikir í kvöld. Arsenal sækir Sporting heim á meðan Real Madrid tekur á móti FC Bayern.

Besta sætið er hlaðvarp íþróttadeildar Sýnar. Þátturinn kemur út alla virka daga og er aðgengilegur á öllum helstu hlaðvarpsveitum.