McIlroy fær að kynnast fríðindum Masters-meistarans í fyrsta sinn

McIlroy var búinn að bíða lengi eftir að vinna síðasta risamótið sem hann átti eftir að vinna. Nú mætir hann sem ríkjandi meistari.

Það vita flestir um að sigurvegari Mastersmótsins fær bikar, fær að klæðast græna jakkanum og uppsker veglegt verðlaunafé. Margir vita líka að hann fær síðan að velja matinn fyrir hátíðarmáltíð meistaranna í kringum næsta Mastersmót á eftir en þar með er þetta ekki upptalið.

Auk þess að fá bikar og græna jakkann fær sigurvegarinn einnig gullverðlaun Masters-mótsins með mynd af klúbbhúsi Augusta National.

Aðgangur sem er ekki hægt að kaupa

Það sem er kannski það merkilegasta af öllu og eitthvað sem er ekki hægt að kaupa er aðgangur að Meistaraklúbbnum. Meistaraklúbburinn kemur saman á hverjum þriðjudegi í mótsvikunni. Þegar þú ert sigurvegari á Masters færð þú eins og áður sagði að velja matseðilinn fyrir Meistarakvöldverðinn árið eftir eins og McIlroy gerði í gær.

Um leið og meðlimir mæta á svæðið fá þeir lúxusmeðferð og þar á meðal er sérstakt bílastæði þar sem aðeins meðlimir Meistaraklúbbsins mega leggja.

Aukabónus sem fylgir Meistaraklúbbnum er að nýr meðlimur fær áletraða gullnisti í formi merkis Augusta National golfklúbbsins sem vottorð um aðild sína að Meistaraklúbbnum.

Má koma á hverju ári

Eftir að þú vinnur Mastersmótið þá færðu boð um að koma aftur á hverju ári. Þeir fá að klæðast græna jakkanum sínum á hverju ári, sækja Meistarakvöldverðinn og rifja upp fræga sigra sína.

Jafnvel þegar þú verður of gamall til að spila á aðalmótinu geturðu samt komið aftur á Meistarakvöldverðinn á hverju ári, spilað í Par 3-keppninni og notið vikunnar á staðnum, allt á meðan þú klæðist græna jakkanum þínum aftur. Hefð sem á sér engan líka.

Augusta er völlur sem tekur marga kylfinga mörg ár að skilja og þess vegna geta sumir fyrrverandi meistarar enn komist í gegnum niðurskurðinn þrátt fyrir að hafa tapað styrk. Þeir vita hvert þeir eiga ekki að slá.

Heiðursfélagi en ekki „opinber meðlimur“

Þú færð ekki aðeins ævilanga undanþágu til að keppa á mótinu heldur ertu boðinn velkominn í Augusta National-golfklúbbinn sem heiðursfélagi.

Það þýðir ekki að þú sért „opinber meðlimur“ en í rauninni ef þú vinnur Masters geturðu spilað á Augusta National hvenær sem þú vilt það sem eftir er ævinnar. Þú gætir jafnvel fengið að taka með þér einn eða tvo gesti, svo lengi sem þú spilar með meðlimi Augusta National-golfklúbbsins.

Einkabúningsklefi

Það sem tengist Meistaraklúbbnum er einkabúningsklefi þar sem aðeins Masters-meistarar hafa aðgang. Sigurvegarinn fær skáp til að nota á meðan hann er í klúbbnum, á meðan allir aðrir keppendur á Masters eru í búningsklefa keppenda.

Hver skápur í þessu goðsagnakennda horni klúbbhússins er með skjöld sem grafinn er með nafni meistarans og árinu, eða árunum, sem hann vann Masters.

Herbergið er staðsett á annarri hæð klúbbhússins og er með verönd með útsýni yfir Magnolia Lane og Founders Circle.

Mátt taka með þér gest

Masters-meisturum er líka heimilt að taka með sér gest til að spila völlinn með þeim á sunnudeginum fyrir mótið, ótrúleg forréttindi sem gera þeim kleift að verðlauna náinn vin eða fjölskyldumeðlim.

Mastersmótið verður sýnt beint á Sýn Sport. Í kvöld verður sýnt beint frá Par 3-keppninni á SÝN Sport 2 en áður verður einnig upphitunarþáttur fyrir mótið. Fyrsti keppnisdagur er síðan á morgun og hefst útsending klukkan 17.00 á SÝN Sport.