Svartfellingar gerðu stelpunum okkar góðan greiða

Stelpurnar okkar töpuðu illa gegn Færeyjum í gærkvöld og þurftu því að treysta á sigur Svartfjallalands í kvöld til að halda vonum sínum á lífi.

Svartfellingar brugðust þeim ekki og unnu afar öruggan átta marka sigur.

Ljóst er því að Svartfjallaland og Færeyjar fara beint inn á EM.

Ísland og Portúgal munu hins vegar spila upp á þriðja sætið í riðlinum, sem gefur þáttökurétt í umspili upp á sæti á EM. Ísland þarf sigur þar en Portúgal dugir jafntefli.

Frítt verður inn á leik Íslands og Portúgal á sunnudaginn og stelpurnar okkar munu líka þurfa á miklum stuðningi að halda, miðað við frammistöðuna í leiknum gegn Færeyjum í gær.