Viktor Bjarki skoraði þegar FCK landaði sigri eftir að hann kom inn á

Viktor Bjarki byrjaði á bekknum en kom inn á völlinn sem varamaður á 62. mínútu í stöðunni 1-1.

Geovanni Vianney kom liðinu í 2-1 á 83. mínútu og Viktor Bjarki skoraði svo fimm mínútum síðar. Vianney skoraði síðan sitt annað mark í uppbótartímanum.

FCK komst óvænt ekki í efri hlutann og lét þjálfarann fara þegar leit út fyrir að liðið væri á leið í mikla fallbaráttu eftir slaka byrjun í úrslitakeppninni.

Liðið vann sinn þriðja leik í röð í dag og er í efsta sæti neðri hlutans. Þeir hafa því hrakið falldrauginn á bak og burt.

Hinn sautján ára gamli Viktor Bjarki hefur skorað átta mörk í nítján leikjum á tímabilinu en þetta var fyrsta markið hans í deildinni.

Hann hefur skorað fjögur mörk í bikarnum og þrjú mörk í Meistaradeildinni.