Engin Evrópuþynnka og mikil­vægur sigur

Átta efstu lið deildarinnar fara í úrslitakeppnina en Bilbao var í níunda sæti fyrir leik dagsins gegn botnliði Granada. Um var að ræða fyrsta leik eftir að Bilbao tryggði sér Evrópubikartitilinn í miðri viku og ef til vill smá slen á mönnum framan af.

Bilbao kláraði hins vegar sitt og vann fimm stiga sigur. Liðið er því jafnt Unicaja í áttunda til níunda sæti deildarinnar þegar aðeins ein umferð er eftir af deildarkeppninni.

Landsliðsmaðurinn Tryggvi Snær skoraði níu stig, tók átta fráköst og gaf tvær stoðsendingar í leiknum.