Yngri bróðir Sagosen steig á svið er Noregur komst á HM

Norðmenn unnu með yfirburðum í dag og leiddu 18-9 í hálfleik en fengu fleiri mörk á sig í seinni hálfleik. Lokatölur 30-37 fyrir Noregi eftir 43-30 sigur fyrr í vikunni.

Undir lok seinni hálfleiks steig Ciljan Sagosen á svið í fyrsta sinn fyrir norska landsliðið, aðeins átján ára gamall. Hann tók sér stöðu við hlið Sander Sagosen, stóra bróður sem er tólf árum eldri.

Sander Sagosen er einn besti leikmaður í sögu Noregs og hefur spilað fyrir Kolstad, Aalborg, PSG og Kiel á sínum ferli. Fyrir landsliðið hefur hann unnið þrenn verðlaun á stórmóti, silfur á HM 2017 og 2019, brons á EM 2020.

Fleiri lönd eru í baráttu um sæti á HM. Sex leikir fara fram á morgun. Í kvöld spila Færeyjar við Bosníu, Færeyingar eru í góðri stöðu eftir 22-24 sigur á útivelli fyrr í vikunni. Spánn spilar svo við Ísrael og eru Spánverjar með 32-27 forystu eftir sigur í fyrri leiknum á heimavelli.