Rory reiður: „Grjóthaltu kjafti“

Á 16. holu vallarins átti Rory lélegt högg sem endaði í sandgryfju. Um leið og hann var búinn að slá höggið öskraði einhver áhorfandi: „USA“.

Þá snöggreiddist Rory. Snéri sér við og sagði viðkomandi að grjóthalda kjafti. Hann vísaði svo starfsmönnum á viðkomandi og vildi augljóslega að honum yrði vísað út af golfvellinum. Ekki er vitað hvort starfsmenn vallarins urðu við þeim óskum.

Þess ber að geta að McIlroy bjargaði pari á holunni. Hann endaði í sjöunda sæti mótsins ásamt öðrum. Var fimm höggum á eftir meistaranum Aaron Rai.