Körfubolti

Emil Barja tekur við Stjörnunni

Stefán Árni Pálsson skrifar
Emil og Ingi Þór vinna saman á næsta tímabili í Bónus-deildinni.
Emil og Ingi Þór vinna saman á næsta tímabili í Bónus-deildinni.

Stjarnan hefur ráðið Emil Barja sem aðalþjálfara meistaraflokks karla til tveggja ára. Þetta kemur fram í tilkynningu frá félaginu. Baldur Þór Ragnarsson hætti sem þjálfari liðsins á dögunum og tók í kjölfarið við Álftnesingum.

Emil kemur frá Haukum þar sem hann þjálfaði síðast meistaraflokk kvenna sem meðal annars varð Íslandsmeistari í fyrra.

„Ég er spenntur að koma til Stjörnunnar og taka við þessu nýja starfi. Stjarnan hefur byggt upp öflugt starf og leikmannahópurinn er sterkur og verður gaman að verða þátttakandi í framhaldinu,“ segir Emil Barja í yfirlýsingu frá Stjörnunni. 

Emil lék með meistaraflokki karla hjá Haukum frá árinu 2007 til 2023 og spilaði öll sín ár með félaginu fyrir utan árið 2018-2019 þegar hann spilaði með KR og varð Íslandsmeistari það ár.

„Við erum mjög ánægð með að fá Emil til okkar. Hann hefur náð áhugaverðum árangri á sínum þjálfaraferli og verður gaman að fá hann inn í okkar öfluga starf. Framtíðin er björt hjá okkur og bindum við miklar vonir við samstarfið,“ segir Einar Karl Birgisson, formaður körfuknattleiksdeildar Stjörnunnar.

Samhliða ráðningu Emils var gengið frá samningi við Inga Þór Steinþórsson um að verða áfram aðstoðarþjálfari liðsins.

Bónus-deild karla Stjarnan

Mest lesið


Fleiri fréttir

Sjá meira


×

Mest lesið