Eini grasleikurinn kom í veg fyrir marka­met

Eini grasleikurinn í umferðinni dró meðaltalið heldur betur niður og kom í veg fyrir met.

Það var nefnilega bara eitt mark skorað í leik FH og ÍA í Kaplakrika á föstudagskvöldið en 32 mörk í hinum fimm leikjunum eða 6,4 mörk að meðaltali í leik.

Í fjórum leikjanna voru skoruð sex mörk eða fleiri en flest mörk voru skoruð í 5-3 sigri KR á KA eða átta talsins.

Aðeins einu sinni áður hafa verið skoruð þrjátíu mörk í einni umferð í efstu deild en metið er áfram í eigu 9. umferðar sumarið 2024. Þá voru skoruð 34 mörk í sex leikjum.

Metið í tíu liða deild var 28 mörk í lokaumferðinni 1995 og það voru 5,6 mörk að meðaltali í leik.

Meðalmarkaskorið í umferð helgarinnar var aðeins fyrir neðan það eða 5,5 mörk í leik. 5,67 mörk voru skoruð að meðaltali í metumferðinni fyrir tæpum tveimur árum.