Fjárdráttur lög­manns hjá héraðssaksóknara

Greint var frá því í gær að Guðrún hefði verið kærð af erfingjum látinnar konu fyrir að hafa millifært fé að upphæð rúmlega 12,5 milljóna króna inn á eigin reikning. Síðar var greint frá því að hún hefði einnig farið með fé minnst tveggja einstaklinga í þjónustu velferðarsviðs Reykjavíkurborgar.

Einnig hefur komið fram að lögmannsstofa hennar, Logia hf., hafi verið úrskurðuð gjaldþrota í upphafi þessa árs og Guðrún sömuleiðis svipt lögmannsréttindum fyrir að sinna ekki tilkynningarskyldu vegna fjárvörslu.

Í svari við skriflegri fyrirspurn fréttastofu staðfestir Ólafur Hauksson héraðssaksóknari að embættið hafi Guðrúnu Björgu til rannsóknar. Hann vildi ekki tjá sig um það hvort fleiri kærur hefðu borist embættinu eða hvort aðrir í svipaðri stöðu hafi sett sig í samband við embættið.

„Eins og staða málsins er nú í höfum við ekki tök á að veita frekari upplýsingar um málið,“ segir Ólafur í svari sínu.