Komin sjö mánuði á leið en spilar samt á Opna bandaríska

Óskar Ófeigur Jónsson skrifar 4. júní 2026 14:00

Madelene Sagström með eiginmanni sínum Jack Clarke á golfvellinum þar sem opna bandaríska meistaramótið fer fram. @madelenesagstrom

Hin 33 ára gamla Madelene Sagström hefur leik á Opna bandaríska meistaramótinu í golfi á fimmtudag, þrátt fyrir að vera gengin tæpa sjö mánuði á leið.

„Ég spila vel. Ég get haldið áfram að gera þetta. Ef mér fyndist ég ekki geta komist í gegnum niðurskurðinn, þá myndi ég ekki spila. Mér finnst það vera sanngjarn upphafspunktur og svo tökum við það þaðan,“ segir Sagström samkvæmt sænsku fréttastofunni TT.

Á Instagram-reikningi sínum stillir hin 33 ára gamla kylfingur sér upp með eiginmanni sínum Jack Clarke á golfvellinum, þar sem þau halda á lítilli Opna bandaríska barnatreyju fyrir væntanlegan son sinn.

Sagström hlakkar til að segja syni sínum frá upplifuninni af tíundu þátttöku sinni á Opna bandaríska og segir að meðgangan hafi endurvakið ástríðu hennar fyrir golfíþróttinni.

„Forgangsröðunin hefur breyst svolítið. Að manni líði vel er það mikilvægasta, en ást mín á íþróttinni hefur líka blómstrað. Að líkaminn breytist svona mikið án þess að maður hafi stjórn á því hefur vakið mikla forvitni hjá mér,“ segir Sagström.