Orri Freyr hetjan og Sporting bikar­meistari

Fastlega var búist við sigri Sporting í dag en liðið varð á dögunum Portúgalsmeistari þriðja árið í röð. Liðið var yfir stærstan part og leiddi með þremur mörkum þegar tæpar tíu mínútur voru eftir.

Benfica náði góðum kafla og komst marki yfir. Liðin skiptust á mörkum á æsispennandi lokakafla þar sem Benfica var alltaf skrefi á undan. Orra Frey tókst að jafna leikinn fyrir Sporting í lokasókninni og knýja þannig fram framlengingu.

Sporting hafði þar betur og vann 41-39 sigur. Orri Freyr var markahæstur með heil 13 mörk fyrir Sporting í leiknum, auk þess að bjarga liðinu frá tapi með jöfnunarmarkinu undir lokin.

Stiven Tobar Valencia var ekki í leikmannahópi Benfica í leiknum.