Haf­þór Júlíus reynir að hafa uppi á manni

Enginn þeirra sem hafa skrifað ummæli við færslu Hafþórs virðist kunna deili á manninum en margir hafa haft orð á því hve óheppilegt það væri, ef ske kynni að hann hefði verið að yfirfara húsið með innbrot í huga, að velja hús Hafþórs.

„Af öllum húsunum í Garðabæ, þá valdi hann Fjallið,“ ritar Einar Bárðason, framkvæmdastjóri Samtaka fyrirtækja á veitingamarkaði (SVEIT), en hann er einn þeirra sem skrifuðu undir færsluna.

Í færslunni segir Hafþór manninn hafa komið að húsi sínu á tólfta tímanum og gengið alveg að útidyrum þess áður en hann hvarf svo á brott.

„Ég kannast ekki við hann og hef áhuga á að ná tali af honum til að fá skýringu á erindinu. Ef einhver þekkir manninn eða veit hver hann er, má viðkomandi endilega hafa samband við mig í einkaskilaboðum,“ segir í færslunni.

Einnig var að minnsta kosti einn hópmeðlimur sem sagðist hafa orðið þess var að sami maður hefði verið á gangi í Ásahverfinu í Garðabæ, skoðað inn um glugga og gengið í kringum hús. Ekki liggur fyrir hvort tilkynningar um innbrot hafi borist lögreglunni í Garðabæ.