Um­ferðar­teppa á Hellis­heiði vegna umferðaróhapps

Þetta kemur fram á umferðin.is, vefsíðu Vegagerðarinnar. Á mynd af vettvangi má sjá að fellihýsi virðist hafa fokið af veginum. Jón Þór Karlsson, lögreglufulltrúi hjá Lögreglunni á höfuðborgarsvæðinu, staðfestir að bíll með hjólhýsi fór þversum og fór hjólhýsið á hliðina.

Búið er að opna aftur fyrir umferð en gengur hún heldur hægt. Ekki hefur verið tilkynnt um slys á fólki. Töluvert hvassviðri er á svæðinu og gæti óhappið mögulega tengst því.

Gera má ráð fyrir því að margir leggi nú leið sína í átt að höfuðborgarsvæðinu frá Selfossi þar sem fjölskylduhátíð Kótelettunar fór fram um helgina. 

Fréttin hefur verið uppfærð.