Ís­lendingar í stórum hlut­verkum á The Open

Golfsamband Íslands segir frá tveimur öflugum fulltrúum Íslands á einu af stærsta golfmóti ársins.

Haukur Örn Birgisson gegnir hlutverki við framkvæmd og dómgæslu mótsins, auk þess sem Friðrik Þór Halldórsson myndatökumaður starfar við upptökur á Royal Birkdale-golfvellinum.

Haukur Örn situr í fimm manna framkvæmdastjórn The Open og verður á Royal Birkdale-golfvellinum alla mótsvikuna. Haukur Örn verður jafnframt einn af dómurum mótsins á fyrstu þremur keppnisdögunum. Hver og einn ráshópur á The Open fær úthlutaðan dómara sem gengur með þeim allan hringinn.

Á fyrsta hring fylgdi Haukur Örn ráshópi með Bandaríkjamanninum Stewart Cink, Scott Vincent frá Simbabve og Svíanum Joakim Lagergren. Á öðrum hring fylgdi Haukur þeim Tom Kim, Billy Horschel og Mason Howell.

Friðrik Þór Halldórsson verður einnig á Royal Birkdale við myndatökur á mótinu. Á fyrstu tveimur keppnisdögunum fékk hann það verkefni að fylgja einu áhugaverðasta hollinu.

Þar leika saman Spánverjinn Jon Rahm, heimamaðurinn Tommy Fleetwood og Bandaríkjamaðurinn Jordan Spieth.

Ásamt þeim félögum eru nokkrir aðrir Íslendingar á svæðinu. Þar á meðal eru Brynjar Eldon Geirsson framkvæmdastjóri GSÍ og Hulda Bjarnadóttir forseti GSÍ, sem hélt erindi á vegum R&A um samfélagslegt virði golfs á Íslandi. 

Mótið er í beinni útsendingu á SÝN Sport. Útsending frá öðrum hring stendur nú yfir og útsending frá þriðja hring hefst strax klukkan níu í fyrramálið.