Alcaraz dregur sig aftur úr keppni

Alcaraz hefur dregið sig úr keppni á mótinu sem hefst þann 13. ágúst og mun halda áfram að sinna endurhæfingu vegna meiðsla í hægri úlnliði. Batahorfurnar eru þó bjartar, Alcaraz er byrjaður að slá tennisbolta aftur í fyrsta sinn síðan í apríl.

Mótið í Cincinnati er hluti af ATP 1000 mótaröðinni og síðasta mótið fyrir Opna bandaríska risamótið. Alcaraz er ríkjandi meistari á báðum. Hann stefnir enn á að keppa á Opna bandaríska, sem hefst þann 23. ágúst, en undirbúningurinn hefur verið settur úr skorðum.

Alcaraz hóf árið á meistaratitli á Opna ástralska risamótinu en hefur ekki keppt síðan hann meiddist á móti í Barcelona í apríl. 

Alcaraz glímir við sinaskeiðabólgu, meiðsli þar sem vökvi safnast í úlnliðnum. Meiðslin hafa haldið honum frá tveimur risamótum á þessu ári. Alcaraz dró sig úr keppni með mánaðar fyrirvara á Opna franska og dró sig svo úr keppni sex vikum áður en Wimbledon hóst. 

Spánverjinn hefur farið varlega í að flýta sér aftur af stað enda eru meiðsli af þessu tagi eitt af því sem tennisleikarar óttast mest.