Táningur Manchester United fær 24 karata gullspjald

Þessi kornungi framherji, sem er talinn einn efnilegasti leikmaðurinn sem komið hefur úr unglingaakademíu United á síðustu árum, kom inn á í sigri félagsins á Atlético Madrid á undirbúningstímabilinu.

Leikurinn telst ekki sem opinber frumraun – en gerði hann að yngsta leikmanninum til að spila fyrir aðallið Manchester United í nokkrum leik.

Fótboltaspjald Gabriels, númerað 1 af 1, er hluti af nýju spjaldasafni ensku úrvalsdeildarinnar sem gefið var út á fimmtudaginn, en búist er við að spjald unga leikmannsins verði eitt eftirsóttasta nýliðakortið í safninu.

Í síðasta mánuði gaf fyrirtækið út spjald með mynd af kantmanni Barcelona, Lamine Yamal, sem barni þegar Lionel Messi baðaði hann, áður en þeir mættust í úrslitaleik heimsmeistaramótsins.

Á síðasta tímabili seldust fótboltaspjöld með ungum hæfileikamönnum fyrir háar upphæðir, að sögn framleiðandans, eins og það með táningnum Estêvão hjá Chelsea. Það má búast við því að margir vilji eignast þetta einstaka fótboltaspjald Gabriel sem er yngstur þeirra tuttugu leikmanna sem eru á gylltu fótboltaspjaldi í ár.

Á listanum eru líka sem dæmi Erling Haaland hjá Manchester City og Declan Rice hjá Arsenal, auk fyrrverandi framherja deildarinnar, Alan Shearer, og Harry Kane, sem spilar með Bayern München.