Coventry keypti leik­mann af mót­herjum Vals­manna

Yirenkyi var ekki með Nordsjælland á Hlíðarenda í gærkvöldi þegar liðið vann 2-0 sigur á Valsmönnum í undankeppni Sambandsdeildarinnar.

Þessi tvítugi leikmaður, sem önnur úrvalsdeildar- og evrópsk félög höfðu líka sýnt áhuga á, hefur skrifað undir langtímasamning hjá nýliðum ensku úrvalsdeildarinnar.

Yirenkyi er sjötti leikmaðurinn sem Frank Lampard fær til liðsins í sumar og með komu hans hefur Coventry eytt yfir 85 milljónum punda.

Yirenkyi var valinn besti ungi leikmaður ársins í dönsku ofurdeildinni í lok síðasta tímabils og var einnig valinn í lið ársins í deildinni.