Fólks­fjöldi á Hellis­sandi tí­faldast

Undirbúningur mun hafa gengið mjög vel, þótt verulega slæmt veður hafi sett strik í reikninginn, en fyrstu gestir eru þegar mættir. Stærsta hátíðartjald sem sett hefur verið upp hér á Íslandi var flutt inn vegna hátíðarinnar.

„Fyrir viku vissum við ekki alveg viss um hvernig þetta myndi fara. Rokið hér undir Jökli lét heldur betur finna fyrir sér og í meira en tvo sólarhringa komust varla nokkrar sendingar hingað. Svo snerist veðrið nánast á punktinum. Nú er blankalogn, sól og svæðið iðar af lífi. Búnaðurinn stóð storminn af sér, mannskapurinn er kominn í essið sitt og tveimur dögum fyrir hátíð er nánast allt tilbúið,“ segir Jón Bjarni Steinsson, einn skipuleggjenda Eclipse Festival 2026 í tilkynningu.

Þar segir að undirbúningurinn fyrir hátíðina nái langt út fyrir sjálft hátíðarsvæðið á Hellissandi. Þjónustuaðilar hafi verið að birgja sig upp og verður þjónusta aukin á meðan á hátíðinni stendur. Sundlaugin á Hellissandi verður opin frá því snemma á morgnana og fram á miðnætti og íþróttahúsið verður einnig opið, meðal annars þannig að gestir geti komist í sturtu.

„Það er mikil samstaða í samfélaginu um að taka vel á móti öllum þessum fjölda. Þjónustuaðilar hafa verið að birgja sig upp og sveitarfélagið og aðrir aðilar laga þjónustuna að því að hér verði margfalt fleira fólk en venjulega. Þetta er stórt verkefni en samstarfið hefur verið mjög gott,“ segir Jón Bjarni.

Hér að neðan má sjá myndband sem tekið var upp þegar dróna var flogið yfir hátíðarsvæðið á Hellissandi.

Í áðurnefndi tilkynningu segir að miðasala hafi gengið vonum framar og nánast sé uppselt meðal erlendra gesta. Nokkur hundruð miðar sem eru sérstaklega ætlaðir fólki sem býr á Íslandi séu þó óseldir.

Frekari upplýsingar um hátíðina má finna hér.