Leik­maður ársins missir af lands­leikjum

Vegna meiðslanna þarf hún að fara í aðgerð og var hún því fjarverandi í kvöld þegar Njarðvík tók á móti Keflavík en hún mun einnig missa af fjórum öðrum leikjum. Ásamt því að missa af leikjum með Njarðvík mun hún einnig missa af landsleikjum í nóvember þar sem Ísland spilar í undankeppni Eurobasket árið 2029.

Þetta er því gríðarlegt högg fyrir bæði Njarðvík og íslenska landsliðið því Danielle er mikilvægur leikmaður fyrir bæði lið. Hún var valin besti leikmaður ársins í Bónus-deild kvenna á síðasta tímabili. Hún spilaði stóran þátt í að Njarðvík varð Íslandsmeistari á síðasta tímabili.

Samkvæmt færslu frá Njarðvík er Einar Árni Jóhannsson, þjálfari Njarðvíkur, ósáttur við að missa mikilvægan leikmann svona snemma en hann ætlar ekki að leggja árar í bát. Það kemur maður í manns stað og með fjarveru hennar þurfa aðrir leikmenn að stíga upp og standa sig.

Einar Árni vonast til þess að Dani verði klár í desember en hann þarf að búa sig undir það versta, að hún sé fjarverandi lengur.