„Erum bara vinir“

Strákarnir hafa verið duglegir að deila skemmtilegum stundum saman á Instagram, þar á meðal farið út að borða, farið saman á góðgerðarkvöld Blue Car Rental og tjúttað saman á Hrekkjavökunni. Fjölmargir hafa velt því fyrir sér hvort þetta sé nýr kærasti Binna, þar á meðal blaðamaður. 

Því neitar Binni hinsvegar.

„Við erum bara vinir,“ svaraði hann kíminn þegar spurningin var borin fram en segist jafnframt meðvitaður um að margir séu að velta þessu fyrir sér. 

Binni fagnar Hrekkjavökunni alltaf með stæl og var í tveimur búningum í ár. Annars vegar klæddi hann sig upp sem klappstýran Quinn úr þáttunum Glee, en fáir hafa verið jafn spenntir og Binni fyrir endurkomu söngþáttanna vinsælu.

Á laugardagskvöld klæddi Binni sig svo upp sem kattarkonan og Tómas var epíska þernan Magenta úr költmyndinni The Rocky Horror Picture Show. Strákarnir halda ótrauðir áfram að njóta lífsins saman, sem vinir.