Annar sigur Ever­ton á New­cast­le á innan við viku

Um annan sigur Everton gegn Newcastle United er að ræða á innan við viku en liðin mættust á fimmtudaginn í síðustu viku, þá á heimavelli Everton, í leik sem endaði með 3-1 sigri heimamanna.

Þar var Thierno Barry á skotskónum líkt og var raunin í kvöld. Barry skoraði eina mark leiksins á St. James´Park af stuttu færi á 49. mínútu. 

Lokatölur 1-0 sigur Everton sem lyftir liðinu upp í sjöunda sæti þar sem lærisveinar David Moyes eru með þrettán stig eftir níu leiki. 

Newcastle United er með tveimur stigum minna í 13. sæti deildarinnar. Undir lok leiks var Jacob Ramsey, leikmaður Newcastle United, rekinn af velli eftir að hann fékk sitt annað gula spjald. Hann verður því ekki til taks í leik liðsins gegn Fulham á útivelli um komandi helgi.