Lygilegur sigur hjá Króatíu gegn Spáni

Króatía kom körfuboltaheiminum á óvart í gær með mögnuðum sigri á næstbesta liði heims, Spáni.

Króatar klóruðu sig til baka eftir að hafa lent fjórtán stigum undir í leiknum og lönduðu sigri á dramatískasta hátt.

Dario Saric kom Króötum yfir, 72-70, er 12 sekúndur voru eftir. Pau Gasol tók lokaskot Spánverjana undir lokin en þá kom Saric á flugi og varði skotið hans með stæl.

Óvænt úrslit í frábærum leik sem lofar góðu fyrir framhaldið.

Lokakaflann magnaða í leiknum í lýsingu Kjartans Atla Kjartanssonar má sjá hér að ofan. Stefán Snær Geirmundsson tók saman.

Úrslit:

Króatía-Spánn  72-70

Nígería-Argentína  66-94

Brasilía-Litháen  76-82