Fréttir

Nýr bæjar­stjóri, morð­hótanir og afar sam­rýmdar systur

Í kvöldfréttum verður rætt við nýjan bæjarstjóra Hafnarfjarðar í beinni útsendingu. Íbúar hafa safnað undirskriftum gegn meirihlutanum og við berum ónægjuna undir hann. Þá fylgjumst við einnig með á síðasta fundi fráfarandi borgarstjórnar og heyrum í Heiðu Björgu sem vonar að umræðan um borgarstjóra taki breytingum. Henni hafa borist morðhótanir á kjörtímabilinu.

Innlent

Ari ekkert heyrt í Hildi síðan á föstu­dag

Ari Edwald, oddviti Miðflokksins í Reykjavík, hefur ekkert heyrt í Hildi Björnsdóttur, oddvita Sjálfstæðisflokksins, síðan á föstudag. Ekki er von á tíðindum af meirihlutaviðræðum í borginni í dag en dregið gæti til tíðinda á morgun. Hildur var fjarverandi á síðasta fundi fráfarandi borgarstjórnar í dag.

Innlent

Lögðu hald á 9mm hálfsjálfvirka skamm­byssu

Mennirnir sem komu við sögu í skotárásinni í Kópavogi á sunnudag þekktust og tilkynntu báðir málið til lögreglu. Lögregla telur málið einangrað atvik og hvorki tengjast skipulagðri glæpastarfsemi né uppgjöri í undirheimum.

Innlent

Mikil spenna í veðurkortunum

Mikill munur er á hitastigi norðan við landið og sunnan þess og er mikil spenna í veðurkortum vegna þessa, sérstaklega á norðanverðu landinu þar sem snjóað gæti til fjalla síðar í vikunni. Veðurfræðingur segir ekki víst enn hvort verði ofan á, kalda loftið eða hið heita og því sé mikil óvissa í kortunum. Hann hvetur bændur fyrir norðan til að fylgjast vel með veðurspám en slíkur hitabratti leysi yfirleitt alltaf eitthvað úr læðingi.

Innlent

Taldi kosningarnar ó­gildar vegna ógilds kjör­seðils

Úrskurðarnefnd kosningamála barst kæra vegna sveitarstjórnarkosninganna í Reykjavík daginn eftir þær þar sem þess var krafist að kosningarnar í heild yrðu úrskurðaðar ógildar, vegna þess að Ríkisútvarpið sýndi kjörseðil í beinni útsendingu á kosninganótt. Nefndin féllst ekki á þá kröfu.

Innlent

Yfir hundrað ó­boðnir gestir í stúdents­veislu

Lögreglan á höfuðborgarsvæðinu var kölluð út til aðstoðar að einbýlishúsi í Salahverfi í Kópavogi rétt eftir miðnætti á laugardagskvöld í stúdentsveislu Verzlinga þar sem á annað hundruð manns voru samankomnir. Fjölmargir þeirra voru óboðnir í partýið og kallaði húsráðandi á lögreglu honum til aðstoðar við að koma gestum út.

Innlent

Telja frum­varp um sjókvía­eldi stangast á við gildandi lög

Forsvarsmenn félagsins VÁ! – félags um um vernd fjarðar mættu í dag á fund umhverfis- og samgöngunefndar Alþingis. Tilefnið er frumvarp til laga um leiðarmerki og öryggi siglinga. Fulltrúar VÁ! bentu á að um 70 prósent af núverandi sjókvíaeldi er ólögmætt vegna þess að starfsemi þess gengur í berhögg við núgildandi lög um vitamál.

Innlent

Vakta haf­svæðið með ESB-dróna frá Horna­firði

Ómannað loftfar á vegum Landhelgisgæslunnar sem er ætlað að hafa eftirlit með hafsvæðinu umhverfis landið verður tekið í notkun í vikunni. Dróninn verður gerður út frá Hornafjarðarflugvelli og er fjármagnaður af Evrópusambandinu.

Innlent

Sann­færður um að finna eitt­hvað spennandi að gera

Sjálfstæðisflokkur, Viðreisn og Samfylkingin í Hafnarfirði náðu samkomulagi um meirihlutasamstarf í gær og nú stendur til að kynna málefnasamning á blaðamannafundi í Hamranesi klukkan fimm í dag. Valdimar Víðisson oddviti Framsóknarflokksins er sáttur við störf sín sem bæjarstjóri en finnst miður að vera ekki á leið í meirihluta. 

Innlent

Heiða greinir frá morð­hótunum

Heiða Björg Hilmisdóttir fráfarandi borgarstjóri hefur verið hótað lífláti og fengið herta öryggisgæslu síðan hún tók við embættinu. Hún segir gengið hafa á ýmsu og segist hugsi yfir því hvernig talað sé um kjörna fulltrúa hér á landi.

Innlent

Selja hús­næðið vegna and­stöðu í­búa

Forsvarsmenn Geðhjálpar geta ekki opnað svokallað skjólshús í Breiðholti eins og til stóð vegna andstöðu íbúa við verkefnið. Formaður samtakanna segir málið birtingarmynd fordóma í garð fólks sem glímir við andlegar áskoranir.

Innlent

Fleiri „brúðir-ISIS“ lenda í Ástralíu

Fleiri ástralskar konur, sem gengu á árum áður til liðs við Íslamska ríkið, og börn þeirra hafa ferðast til Ástralíu. Um er að ræða sex konur og þrettán börn sem lentu í Sydney og í Melbourne í morgun. Þær hafa ekki verið ákærðar enn en lögreglan segir það til skoðunar. Þrjár af fjórum konum sem sneru aftur til Ástralíu fyrr í mánuðinum hafa verið ákærðar fyrir þrælahald og hryðjuverkastarfsemi og sitja nú í gæsluvarðhaldi.

Erlent

Komu vélar­vana fiski­bát til hjálpar

Skömmu fyrir klukkan ellefu í morgun barst stjórnstöð Landhelgisgæslunnar aðstoðarbeiðni frá litlum fiskibát sem staddur var við Syðrahraun í Faxaflóa. Vélarbilun hindraði frekari för og rafmagn hafði farið af bátnum.

Innlent

Sátt um að klára ESB-umræðu í tæka tíð

Forseti Alþingis segir sátt virðast um það meðal þingflokksformanna að ljúka umræðu um fyrirhugaða þjóðaratkvæðagreiðslu um aðildarviðræður að ESB á morgun. Útlit er því fyrir að atkvæðagreiðslan fari fram þann 29. ágúst.

Innlent

Bein út­sending: Borgar­full­trúar kveðja

Síðasti fundur borgarstjórnar á kjörtímabilinu hefst klukkan 12. Kveðjuræður borgarfulltrúar eru á dagskrá en nokkuð margir borgarfulltrúa kveðja í dag þar sem 16 ef 23 kjörnum borgarfulltrúum hafa aldrei áður setið í borgarstjórn. Beina útsendingu frá fundinum má sjá hér á Vísi.

Innlent

Ráðist á heilbrigðisstarfsmenn í ebólu-faraldri

Árásir á heilbrigðisstarfsmenn og sjálfboðaliða í Austur-Kongó hafa gert störf þeirra hættulegri og erfiðari. Tortryggnir og óttaslegnir íbúar hafa kastað grjóti í sjálfboðaliða sem reyna að vekja athygli á faraldri ebólu sem lýst hefur yfir á svæðinu og þá stafar þeim einnig ógn af víga- og glæpahópum sem hafa myrt þúsundir og stökkt gífurlegum fjölda á flótta á undanförnum árum.

Erlent

„Af hverju tekur þetta svona langan tíma?“

Þessa spurningu fékk undirritaður nokkrum sinnum yfir helgina frá fólki forvitnu um gang mála við myndun nýs meirihluta í borgarstjórn Reykjavíkur. Tíu dagar eru liðnir frá kjördegi þar sem Sjálfstæðisflokkurinn náði inn níunda manni og Hildur Björnsdóttir settist óumdeilt í bílstjórasætið í borgarstjórnarrútunni. Óvíst er hverjir komast um borð og virðist Hildur ekki tilbúin að útiloka draumalausn með fjögurra flokka meirihluta.

Innlent

Hoppandi reiðir vegna fram­göngu Hall­gríms í þætti um Davíð

Rúv bauð upp á heimildaþátt um Davíð Oddsson, fyrrverandi forsætisráðherra, í gærkvöldi þar sem farið var yfir feril hans. Jóhanna Vigdís Hjaltadóttir fréttamaður gerði með öðrum handrit og ræddi við samferðarmenn hans. Hún segir þáttinn ekki uppgjörsþátt heldur minningarþátt.

Innlent

Hafi ekki hætt þrátt fyrir í­trekuð högg frá konunni

Karlmaður hefur verið ákærður fyrir nauðgun, með því að hafa ekki látið af samræði við konu, eftir að hún gerði honum ljóst að hún vildi ekki lengur stunda við hann samræði. Það gerði konan meðal annars með því að slá hann ítrekað.

Innlent

Æfðu á­rás á Suður-Kóreu

Skammdrægrum skotflaugum og stórskotaliðsflaugum og öðrum vopnum var skotið á loft frá Norður-Kóreu í morgun. Forsvarsmenn herafla Suður-Kóreu segja að eldflauginni, og öðrum ótilgreindum vopnum, hafi verið skotið á haf út en Norður-Kóreumenn hafa ekki tjáð sig um æfingarnar. Ráðamenn í Rússlandi og Kína lýstu á dögunum yfir andstöðu gegn refsiaðgerðum og viðskiptaþvingunum sem beitt hefur verið gegn einræðisríkinu.

Erlent

Mest lesið