Viðskipti erlent

Kaupþing greiðir allar innistæður Edge í Þýskalandi

Skilanefnd Kaupþings hefur tryggt fjármagn til að greiða út innistæður Kaupthing Edge í Þýskalandi að fullu. Um 30.000 sparifjáreigendur munu því fá innistæðar sínar í netbankanum Edge greiddar. Þetta kemur fram í tilkynningu frá skilanefndinni.

Viðskipti erlent 17.4.2009 18:15

Söguleg ofurvika í kauphöll Kaupmannahafnar

Þessi vika er ein sú besta í kauphöll Kaupmannahafnar frá árinu 1996 þegar núverandi úrvalsvísitala þar, C20, var tekin í notkun. C20 hækkaði um 12,6% í vikunni. þar af 4,7% í dag, en tekið skal fram að aðeins var um fjóra virka daga að ræða þar sem kauphöllin var lokuð s.l. mánudag.

Viðskipti erlent 17.4.2009 15:27

AGS segir kreppuna alvarlegri en áður var talið

Í nýrri skýrslu frá Alþjóðagjaldeyrissjóðnum (AGS) segir að núverandi kreppa muni verða meira langvarandi og dýpri en áður var talið. Ástæða sé til að hafa áhyggjur af því hve kreppan nú sé samstíga Kreppunni miklu á þriðja áratuginum.

Viðskipti erlent 17.4.2009 09:41

Fengu 80% af Landic Property fyrir tæpar 170 krónur

Vefsíðan business.dk greinir frá því að fjárfestingafélagið Trackside frá Berlín hafi fengið 80% eignarhlut í Landic Property á Norðurlöndunum svo gott sem gefins eða á eina evrum sem samsvarar tæpum 170 kr.

Viðskipti erlent 17.4.2009 08:48

Glitnir selur Moderna Life fyrir tæpa 4 milljarða

Glitnir hefur selt sænska tryggingarfélagið Moderna Life til breska tryggingarfélagsins Chesnara. Söluverðið er rétt rúmlega 30 milljónir dollara eða tæplega 4 milljarða kr.

Viðskipti erlent 17.4.2009 08:23

Hagnaður Google fram úr væntingum

Hagnaður leitarvélarisans Google fór fram úr því sem spáð var á fyrsta ársfjórðungi og var sex prósentum meiri en á fyrsta fjórðungi síðasta árs. Í samanburði við önnur net- og hugbúnaðarfyrirtæki hefur Google staðið kreppuna merkilega vel af sér þótt nokkuð hafi dregið úr hagnaði fyrirtækisins síðan harðna tók á dalnum.

Viðskipti erlent 17.4.2009 07:22

Segir að búið sé að fresta sölunni á Actavis

Bloomberg fréttaveitan greinir frá því í dag að búið sé að fresta áformaðri sölu á Actavis um óákveðinn tíma. Þetta hefur Bloomberg eftir þremur ónafngreindum heimildarmönnum sem eru kunnugir söluferlinu.

Viðskipti erlent 16.4.2009 13:22

Þrotabú Lehman reynir að losa sig við úranbirgðir bankans

Skiptastjórar gjaldþrota bankans Lehman Brothers reyna nú að koma í verð töluverðu af úrani sem er í eigu bankans. Talið er að hægt sé að nota úranið til að smíða eitt stykki kjarnorkusprengju.

Viðskipti erlent 16.4.2009 12:37

Annar bandarískur stórbanki laus úr kreppunni

Bandaríski stórbankinn JP Morgan skilar afargóðu uppgjöri eftir fyrsta ársfjórðung ársins. Er JP Morgan annar stórbankinn vestanhafs sem skilar góðum hagnaði í ár en Goldman Sachs skilaði nýlega svo góðu uppgjöri að það kom flestum í opna skjöldu.

Viðskipti erlent 16.4.2009 11:03

Krugman segir að Austurríki sé ekki dauðadæmt efnahafslega

Paul Krugman prófessor við Princeton háskólann og Nóbelsverðlaunahafi í hagfræði 2008 segir að Austurríki sé ekki dauðadæmt í efnahagsmálum þrátt fyrir alvarlega áhættu af lánum banka landsins til þjóða í Austur-Evrópu.

Viðskipti erlent 16.4.2009 10:03

Tískukroppar kreppunnar eru búttaðir og mjúkir

Þvengmjóar fyrirsætur með heróín-útlit heyra nú sögunni til. Þær voru andlit uppsveiflunnar í tískunni á síðustu árum. Í dag eru tískukroppar kreppunnar búttaðir og mjúkir samkvæmt úttekt sem börsen.dk hefur gert á málinu.

Viðskipti erlent 15.4.2009 16:08

Gamlar Singer saumavélar seldar á 6 milljónir stykkið

Orðrómur um að dularfullan málm sé að finna í gömlum Singer saumavélum hefur leitt til þess að þær ganga kaupum og sölum á 6 milljónir kr. stykkið í Saudi-Arabíu þessa daganna.

Viðskipti erlent 15.4.2009 12:37

Búist við átakafundi hjá Rio Tinto í dag

Aðalfundur Rio Tinto verður haldinn í dag og er búist við að stjórn Rio verði gagnrýnd harðlega af hluthöfum vegna áforma sinna um fjármögnun félagsins. Rio Tinto er eigandi álversins í Straumsvík.

Viðskipti erlent 15.4.2009 10:17

Stjórnvöld á Mön greiða innistæðurnar hjá Kaupþingi

Stjórnvöld á eyjunni Mön hafa ákveðið að verja 180 milljónum punda eða um 35 milljörðum kr. til að greiða innistæður sem eyjabúar áttu inni í Singer & Friedlander (SF),banka Kaupþings á eyjunni. Alls er um 10.000 manns að ræða.

Viðskipti erlent 15.4.2009 09:45

Danska krónan sú fjórða vinsælasta í gjaldeyrisviðskiptum

Danska krónan er nú fjórða vinsælasta mynt heimsins til að fjárfesta með í gjaldeyrisviðskiptum. Hún er einkum vinsæl í gengiskrossinum svissneskir frankar/dönsk króna.

Viðskipti erlent 15.4.2009 09:09

Háskólagjöld Breta hækka vegna íslenska bankahrunsins

Samtök háskóla í Bretlandi (Universities UK) hafa birt skýrslu þar sem fram kemur að skólagjöld nemenda við þessa skóla verði að hækka verulega m.a. vegna taps sumra þeirra á innistæðum sínum í íslensku bönkunum þegar þeir komust í þrot s.l. haust.

Viðskipti erlent 15.4.2009 09:05

Tap UBS á fyrsta fjórðungi 220 milljarðar króna

Svissneski UBS-bankinn tapaði nærri tveimur milljörðum svissneskra franka á fyrsta fjórðungi ársins en það jafngildir rúmlega 220 milljörðum króna.

Viðskipti erlent 15.4.2009 07:17

Sér glitta í vonarneista í hagkerfinu

Barack Obama forseti Bandaríkjanna sagðist sjá glitta í vonarneista í efnahag landsins. Þetta sagði hann á fundi með háskólanemum við Georgetown University í dag. Hann varaði menn þó við að botninum væri þegar náð.

Viðskipti erlent 14.4.2009 21:55

Playboy setur tímaritasafn sitt á netið

Playboy hefur ákveðið að setja úrval af tímaritasafni sínu á netið og er ókeypis fyrir alla að skoða herlegheitin. Tímaritin sem hér um ræðir spanna útgáfuna frá árinu 1954 og fram til ársins 2006.

Viðskipti erlent 14.4.2009 13:15

Hlutabréf í Royal Unibrew rjúka upp í verði

Mikill skriður hefur verið á verði hlutabréfa í bruggverksmiðjunum Royal Unibrew í kauphöllinni í Kauðmannahöfn í morgun. Hefur verðið á bréfunum hækkað um 22% m.v. stöðuna á þeim fyrir páska. Stoðir er einn stærsti hluthafinn með fimmtungshlut.

Viðskipti erlent 14.4.2009 10:57

Bjartsýni á alþjóðlegum hlutabréfamörkuðum

Nokkur bjartsýni ríkir á evrópskum hlutabréfamörkuðum í dag. Það skýrist af afkomutölum bandaríska fjárfestingarbankans Goldman Sachs, sem var talsvert betri en spár gerðu ráð fyrir. Helst eru það fjármálafyrirtæki sem draga vísitölur á mörkuðunum upp.

Viðskipti erlent 14.4.2009 10:23

Walesbúar brunnu inni með milljarða í íslensku bönkunum

Bæjar-og sveitarfélög, lögregluembætti, háskólar og aðrar opinbear stofnanir í Wales brunnu inni með 74 milljónir punda, eða tæplega 14 milljarða kr. í íslensku bönkunum þegar þeir komust í þrot s.l. haust.

Viðskipti erlent 14.4.2009 10:14

Goldman Sachs fyrsti bankinn á leið út úr kreppunni

Goldman Sachs skilaði hagnaði upp á 1,8 milljarða dollara eða rúmlega 200 milljarða kr. á fyrsta ársfjórðungi ársins. Er þetta uppgjör töluvert umfram væntingar sérfræðinga og virðist Goldman vera fyrsti bandaríski bankinn sem er að komast út úr fjármálakreppunni.

Viðskipti erlent 14.4.2009 09:02

Heimsmarkaðsverð á olíu aftur undir 50 dollara

Heimsmarkaðsverð á olíu féll aftur undir 50 dollara tunnan á markaðinum í New York í nótt eða í 49,55 dollara sem er lækkun um 1%.

Viðskipti erlent 14.4.2009 08:46

Stjórn JJB Sports reynir að finna þann sem keypti hlut Kaupþings

Stjórn JJB Sports hefur sent bréf til allra hluthafa í sportvöruverslanakeðjunni með kröfu um að þeir upplýsi hvort þeir hafi keypt ráðandi hlut í keðjunni. Stjórnin er að reyna að finna út hver hafi eignast hlut þann sem Kaupþing seldi nýlega í keðjunni.

Viðskipti erlent 14.4.2009 08:28

Útrásarvíkingarnir sjást ekki á Íslandi

Útrásarvíkingarnir voru eitt sinn hetjur á Íslandi, hetjur sem færðu landinu stolt um leið og þeir keyptu upp eignir í Bretlandi og víða um Evrópu. En fall bankanna og krónunnar hefur lækkað rostann í þessu litla landi. Þúsundir íslendinga hafa tapað ævisparnaðinum, atvinnuleysi er komið yfir 9% og stýrivextir daðra við 18%. Mótmæli hafa fellt ríkisstjórnina og bankastjóra seðlabankans. Með þessum orðum hefst grein eftir Rowena Mason í breska blaðinu Daily Telagraph í dag.

Viðskipti erlent 13.4.2009 10:38

Efnahagskerfi Kínverja styrkist

Efnahagskerfi Kína hefur styrkst að undanförnu en fjármálakreppan hefur líkt og í öðrum ríkjum komið niður á efnahag landsins, að mati Wen Jiabao forsætisráðherra Kína.

Viðskipti erlent 12.4.2009 19:45

Kínverskur bílaframleiðandi íhugar kaup á Vauxhall

Kínverskur bílaframleiðandi íhugar nú kaup á framleiðslu Vauxhall bifreiðanna í Bretlandi. Yfir 5000 manns starfa hjá fyrirtækinu í Bretlandi.

Viðskipti erlent 12.4.2009 12:00

Skilanefndin og Tchenguiz deila um Somerfield

Skilanefnd Kaupþings og breski auðkýfingurinn Robert Tchenguiz eiga nú í deilum um hvernig skipta eigi söluverði verslunarkeðjunnar Somerfield. Þetta kemur fram í the Observer í dag. Kaupþing og Tchenguiz áttu hlut í Somerfield en verslunarkeðjan var seld í mars fyrir tæplega 30 milljarða króna.

Viðskipti erlent 12.4.2009 10:45

Ódýrara að kaupa nýjan bíl heldur en notaðan

Í Bretlandi eru nú sumar bifreiðar ódýrari heldur en notaðar. Þetta er þó mismunandi eftir tegundum. Fjármálakreppan hefur haft þessi áhrif. Neytendur geta sparað allt að 1000 pund eða rúmlega 190 þúsund íslenskar krónur ef þeir kaupa nýja bifreið í stað bifreiðar sem búið er að aka nokkur þúsund kílómetra.

Viðskipti erlent 12.4.2009 07:00