Forstjóri hlaut verðlaun

Forstjóri Íslandsbanka Bjarni Ármannsson fékk verðlaunin IR Nordic Awards fyrir fjárfestatengsl og samskipti við hluthafa nú á dögunum. Þetta er í fyrsta skiptið sem forstjóri íslensks fyrirtækis hlýtur þessa viðurkenningu. Í ár fengu einnig fyrirtækin Actavis og Marel viðurkenningu. Verðlaunahátíðin IR Nordic Awards var haldin í Helsinki og stendur tímaritið IR Magazine í Bretlandi fyrir hátíðinni. Hátíðin er haldin að undangenginni könnun meðal greiningaraðila og sjóðsstjóra á Norðurlöndum. Viðskiptahalli í Bandaríkjunum jókst í apríl og hefur nú aldrei verið meiri. Hallinn er meiri en allar spár höfðu gert ráð fyrir og nemur hann 48,3 milljörðum dollara. Að sögn viðskiptaráðuneytis í Washington má skýra óvænta aukningu hallans á því að innflutningur bíla og neysluvara var meiri í apríl en nokkru sinni fyrr. Innlend eftirspurn hefur aukið innflutning mjög mikið þar sem útflutningur var líka mikill. Talsverð hætta er á að aukning viðskiptahallans dragi úr vexti landsframleiðslu á öðrum ársfjórðungi. Hagfræðingar hafa samt spáð því að fleiri ráðningar og hækkandi laun muni koma í veg fyrir samdrátt. Lækkun bandaríska dollarans gerir bandarískar vörur ódýrari og stuðlar að aukinni sölu erlendis. Þetta hækkar því miður verð á innfluttri vöru. Landsbankinn hefur nú hækkað vexti óverðtryggðra innlána og útlána um allta að 0,25 prósentustig. Ákvörðun um þessa vaxtahækkun var tekin í kjölfar hækkunar Seðlabankans á stýrivöxtum. Verðbólgumarkmið verða til umfjöllunar í málstofu í fundasalnum Sölvhóli í Seðlabanka Íslands. Málshefjandi er Eric Leeper, prófessor í University of Indiana í Bandaríkjunum. Erindi hans á málstofunni nefnist Policy analysis in the era of inflation targeting og hefst málstofan klukkan 15.00.