Kelly Holmes vann annað gull

Kelly Holmes setti landsmet og varð aðeins þriðja konan í sögu Ólympíuleikanna til að vinna bæði millivegarhlaupin þegar hún tryggði sér glæsilegan sigur í 1500 metra hlaupi í Aþenu í gær. Holmes vann 800 metra hlaupið á mánudaginn og bætti nú sigri í 1500 metra hlaupinu við. Líkt og í 800 metra hlaupinu gekk áætlun hennar fullkomlega upp og í lokin hljóp hún út fyrir hópinn og stakk alla af með glæsilegum lokaspretti. Holmes varð ennfremur fyrsti breski frjálsíþróttamaðurinn til þess að vinna tvö gull á sömu leikum síðan Albert Hall vann sömu hlaup og hún í Antwerpen 1920.