E-vítamín við heyrnarleysi

E-vítamín getur haft áhrif á skyndilegt heyrnarleysi, samkvæmt nýlegri rannsókn sem gerð var í Ísrael. Niðurstöður rannsóknarinnar voru kynntar á ráðstefnu háls-, nef- og eyrnalækna í New York í vikunni. Árlega greinast 123.000 manns í Bretlandi með skyndilegt heyrnarleysi og í 85% tilfella er engin skýring á heyrnarleysinu. Tveir þriðju sjúklinga endurheimta heyrnina á innan við átta dögum án meðferðar, en nú hefur verið sýnt fram á að E-vítamín getur hjálpað hinum sem ekki ná bata.