Draga herlið sitt frá Írak

Pólverjar ætla að draga herlið sitt frá Írak í lok næsta árs. Varnarmálaráðherra landsins greindi frá þessu í dag og eru Pólverjar þar með fyrsta þjóðin með hersveitir í Írak sem gefið hefur út tímasetningu á brotthvarfi sínu frá landinu. 2500 pólskir hermenn eru í Írak auk þess sem þeir stjórna fjölþjóðlegu herliði sem í eru 8000 hermenn. Um 75% pólsku þjóðarinnar eru mótfallin þátttöku landsins í stríðinu í Írak. Myndin var tekin eftir flugskeytaárás í Fallujah í Írak í dag þar sem a.m.k. ellefu létust.