Konur á breytingaskeiði

Um einn fjórði kvenna sem hættu að taka inn hormóna eftir að rannsóknir sýndu að þeir gætu valdið aukinni hættu á hjartasjúkdómum og ákveðnum tegundum krabbameins, eru aftur farnar að taka þá inn. "Það er í lagi fyrir konur sem hafa væg einkenni tengd breytingaskeiðinu, eins og hitaköst og skapsveiflur, að taka inn hormóna í litlum skömmtum," segir í skýrslu frá heilbrigðisstofnuninni ACOG í Bandaríkjunum. Stofnunin vill þó að fleiri rannsóknir verði gerðar á náttúrulyfjum, sem þeir segja hafa valdið vonbrigðum sem lausn við fylgikvillum breytingaskeiðsins. Þá vill stofnunin að frekari rannsóknir verði gerðar á hvernig áhrif hormónar hafa á ungar konur. Rannsókn sem sýndi fram á að hormónar ykju líkur á hjartaslagi, heilablóðfalli og krabbameini urðu til þess að fjöldi kvenna hætti að taka inn hormóna fyrir nokkrum árum. Sú rannsókn var gerð á konum þar sem meðalaldurinn var 65 ára og nú telja læknar að frekari rannsókna sé þörf. Dr. Isaac Schiff, stjórnarmaður ACOG, segir að komið hafi í ljós að fjórða hver kona sem hætti á hormónunum hafi byrjað aftur einfaldlega vegna þess að enginn annar kostur hafi verið í boði."