Flensan ekki komin 12. október 2004 00:01 Byrjað var um síðustu mánaðamót að bólusetja fólk gegn inflúensu hér á landi og eru þær aðgerðir í fullum gangi. Enda þótt fréttir berist um hörgul á bóluefni í Bandaríkjunum og víðar, vegna mistaka í framleiðslu þess hjá stóru lyfjafyrirtæki í Bretlandi, mun skorts ekki gæta hér á landi. "Við erum með nægar birgðir handa öllum sem þess óska því við erum ekki í viðskiptum við þetta breska fyrirtæki," segir Haraldur Briem sóttvarnarlæknir. Hann segir flensu ekki hafa orðið vart hér á landi á þessu hausti en aðeins hafi hún bankað á dyr í Noregi og Svíþjóð í einu og einu tilfelli. Hann telur þó ekki að hún verði fyrr á ferðinni hér en venjulega. "Það tekur flensu alltaf tíma að vinna sér land og yfirleitt er það ekki fyrr en upp úr áramótum sem hún verður að faraldri," segir hann. Flensan á yfirleitt uppruna sinn í Asíu þar sem mannfjöldinn er mestur. Hún fer um suðurhvel jarðar þegar haustið er þar og lætur svo á sér kræla á norðurhvelinu þegar kólna tekur í veðri. Í millitíðinni hefur lyfjaframleiðendum tekist að greina stofnana og búa til bóluefni gegn henni. "Sú sem nú er á ferðinni er flensa af hefðbundnum A og B stofnum og svo eru alltaf sérstakir undirflokkar því hún breytir sér alltaf frá ári til árs," segir sóttvarnalæknirinn. Haraldur segir ýmsa atvinnurekendur panta bóluefni handa öllu sínu starfsfólki en annars séu það vissir hópar sem ráðlagt sé að láta sprauta sig. Þótt fólk sé bólusett þýði það þó ekki algera vörn gegn flensu. "Vörnin er svona 60-90% og því fær fólk mun vægari einkenni en ella ef það lætur bólusetja sig," segir hann og spurningu um hvort brögð séu að því að fólk veikist af sprautunni svarar hann svo: "Fólk getur fengið smá hita og örlítil eymsli á sprautustaðnum. En það er allt mjög vægt og á ekki að trufla neinn." Ráðlagt er að bólusetja: Alla eldri en 60 ára Börn (eldri en 6 mánaða) og fullorðna... *með undirliggjandi hjarta- og lungnasjúkdóma (þar á meðal astma). *sem eru ónæmisbældir *með langvinna efnaskiptasjúkdóma (þar á meðal sykursýki). *börn og unglinga sem taka aspírin að staðaldri (vegna hættu á Reye heilkenni). *Einstaklinga sem sýkt geta aðra sem eru í hættu að fá alvarlega inflúensusýkingu, það er: *starfsfólk á sjúkrahúsum sem annast sjúklinga. *starfsfólk á elli- og hjúkrunarheimilum. *heimilisfólk þar sem áhættuhópar dvelja. Heilsa Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið Var talin vera hommi og lögð í einelti Lífið „Eini metnaðurinn minn var að líða ekki illa“ Lífið Segir Murphy gera lítið úr kynferðisofbeldi Bíó og sjónvarp Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Byrjað var um síðustu mánaðamót að bólusetja fólk gegn inflúensu hér á landi og eru þær aðgerðir í fullum gangi. Enda þótt fréttir berist um hörgul á bóluefni í Bandaríkjunum og víðar, vegna mistaka í framleiðslu þess hjá stóru lyfjafyrirtæki í Bretlandi, mun skorts ekki gæta hér á landi. "Við erum með nægar birgðir handa öllum sem þess óska því við erum ekki í viðskiptum við þetta breska fyrirtæki," segir Haraldur Briem sóttvarnarlæknir. Hann segir flensu ekki hafa orðið vart hér á landi á þessu hausti en aðeins hafi hún bankað á dyr í Noregi og Svíþjóð í einu og einu tilfelli. Hann telur þó ekki að hún verði fyrr á ferðinni hér en venjulega. "Það tekur flensu alltaf tíma að vinna sér land og yfirleitt er það ekki fyrr en upp úr áramótum sem hún verður að faraldri," segir hann. Flensan á yfirleitt uppruna sinn í Asíu þar sem mannfjöldinn er mestur. Hún fer um suðurhvel jarðar þegar haustið er þar og lætur svo á sér kræla á norðurhvelinu þegar kólna tekur í veðri. Í millitíðinni hefur lyfjaframleiðendum tekist að greina stofnana og búa til bóluefni gegn henni. "Sú sem nú er á ferðinni er flensa af hefðbundnum A og B stofnum og svo eru alltaf sérstakir undirflokkar því hún breytir sér alltaf frá ári til árs," segir sóttvarnalæknirinn. Haraldur segir ýmsa atvinnurekendur panta bóluefni handa öllu sínu starfsfólki en annars séu það vissir hópar sem ráðlagt sé að láta sprauta sig. Þótt fólk sé bólusett þýði það þó ekki algera vörn gegn flensu. "Vörnin er svona 60-90% og því fær fólk mun vægari einkenni en ella ef það lætur bólusetja sig," segir hann og spurningu um hvort brögð séu að því að fólk veikist af sprautunni svarar hann svo: "Fólk getur fengið smá hita og örlítil eymsli á sprautustaðnum. En það er allt mjög vægt og á ekki að trufla neinn." Ráðlagt er að bólusetja: Alla eldri en 60 ára Börn (eldri en 6 mánaða) og fullorðna... *með undirliggjandi hjarta- og lungnasjúkdóma (þar á meðal astma). *sem eru ónæmisbældir *með langvinna efnaskiptasjúkdóma (þar á meðal sykursýki). *börn og unglinga sem taka aspírin að staðaldri (vegna hættu á Reye heilkenni). *Einstaklinga sem sýkt geta aðra sem eru í hættu að fá alvarlega inflúensusýkingu, það er: *starfsfólk á sjúkrahúsum sem annast sjúklinga. *starfsfólk á elli- og hjúkrunarheimilum. *heimilisfólk þar sem áhættuhópar dvelja.
Heilsa Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið Var talin vera hommi og lögð í einelti Lífið „Eini metnaðurinn minn var að líða ekki illa“ Lífið Segir Murphy gera lítið úr kynferðisofbeldi Bíó og sjónvarp Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira