Innbrot í leikskóla á Ólafsfirði

Brotist var inn í leikskóla á Ólafsfirði aðfaranótt föstudags, innvolsið hreinsað úr tveimur tölvum og taka geisladrif, harðan disk og fleira úr þriðju tölvunni. Auk þess var stafræn myndavél tekin og fleira lauslegt. Lögreglan fékk húsleitarheimild hjá þremur þekktum síbrotamönnum sem búa í bænum og fannst hluti þýfisins heima hjá einum þeirra. Auk þýfisins fannst mikið af íhlutum í tölvur sem á eftir að kanna hvort geti tengst öðrum innbrotum. Einn þremenninganna hefur gengist við innbrotinu og telst málið upplýst.