Skólastjórar enn á fundi

Skólastjórar eru nú á fundi hjá ríkissáttasemjara en samningar þeirra eru lausir eins og samningar kennara. Fundur þeirra hófst klukkan hálf ellefu. Skólastjórar hafa ekki boðað til aðgerða svo sem verkfalls. Næsti fundur í deilu grunnskólakennara og launanefndar sveitarfélaganna verður klukkan átta í fyrramálið. Samtökin Heimili og skóli standa fyrir mótmælastöðu á Austurvelli klukkan fjögur í dag vegna verkfalls grunnskólakennara. Samtökin hvetja foreldra og börn til að mæta. Stutt ávörp verða flutt og söngvar sungnir en að lokinn mótmælastöðu verður gengið að Tjörninni þar sem kertum verður fleytt.