Frábær niðurstaða segir Össur

Össur Skarphéðinsson, formaður Samfylkingarinnar, segir niðurstöðu fylgiskönnunar Fréttablaðsins "frábæra" fyrir flokkinn. "Ég bjóst satt að segja við því að vandræðagangurinn á R-listanum myndi hafa áhrif á fylgi flokksins." Össur segir að það sé stórmerkilegt að enn einu sinni hafi komið fram að Samfylkingin og Vinstri grænir hafi samanlagt afgerandi meirihluta umfram stjórnarflokkana. "Ég er aldrei uppnæmur yfir könnunum, það eru kosningarnar sem gilda, en þetta sýnir að við erum á réttri leið."