Vonbrigði fyrir sjálfstæðismenn
Einar K. Guðfinnsson, formaður þingflokks Sjálfstæðisflokksins, segir að fylgi flokksins í könnun Fréttablaðsins valdi talsverðum vonbrigðum: "Við höfum mælst hærra að undanförnu. Hins vegar er ekki ástæða til að taka of alvarlega eina einstaka könnun, nema fleiri fylgi sem sýni svipaða tilhneigingu. í þessu tilfelli tel ég að einstakir atburðir sem urðu á meðan könnunin var gerð geti haft áhrif."
