Áfellisdómur yfir ráðakonum 17. nóvember 2004 00:01 Stefán Jónsson leikstjóri fylgdi átta ára syni sínum, Jóni Gunnari, í skólann. Til viðbótar á hann tvo stráka, 10 og 12 ára, í skólanum og var kennsla þegar hafin hjá þeim. "Það var glundroði hér í gær því að þá voru ekki svo margir kennarar mættir en í dag virðast kennarar ætla að mæta," sagði hann eftir að kennsla var hafin í bekknum hjá syni hans. "Þetta er ömurlegt. Margir upplifa þetta verkfall eins og tímaskekkju. Það er að koma á daginn hversu mikið sýndarvelferðarkerfi ríkir hér á landi. Við þykjumst og viljum telja okkur í hópi Norðurlandanna en í raun og veru erum við eftirbátar hinna Norðurlandanna og erum alltaf frekar að teygja okkur meira til Bandaríkjanna í hugsunarhætti." Eirðarleysi og doði "Kennarastéttin er kvennastétt og það virðist ekki hjálpa þeim frekar en fyrri daginn. Og kannski dálítill áfellisdómur yfir þeim konum sem hafa þó einhver völd í bæjarstjórnum víða um land. Margar konur eru bæjarstjórar og menntamálaráðherra er náttúrulega kona líka. Það er svo sem voðalega auðvelt fyrir ríkið að hafa hent þessum skólum yfir í sveitarfélögin og vilja svo ekki kannast við krógann." Stefán sagði barnagæsluna leysta í verkfallinu með því að vera með krakkana í vinnunni og svo hafi börn komin á ákveðinn aldur gengið sjálfala. "Maður hefur reynt að halda þeim réttu megin við línuna. Þeir eru ekki farnir að brjóta lög eða neitt svoleiðis," sagði hann og taldi börnin hafa "skemmt sér konunglega. En svo hefur reyndar komið leiði í strákana. Dagarnir eru langir, það er eirðarleysi, leti og doði sem hefur sest í þá. En þetta er bara búið að vera ömurlegt ástand og okkur öllum til háborinnar skammar að láta þetta viðgangast." Vonar það bestaÆvar Ísberg, starfsmaður Ríkisskattstjóra, fylgdi Karitas, sjö ára dóttur sinni, í Austurbæjarskólann í gærmorgun. "Við höfum getað bjargað okkur í verkfallinu og höfum ekki lent í neinum vandræðum. Þetta er kjarabarátta kennara og maður verður bara að sætta sig við það," sagði hann og taldi flesta foreldra skilja og styðja kjarabaráttu kennara þó að ástandið í vikunni hefði komið mismunandi illa við fólk. "Ég styð að sjálfsögðu kjarabaráttu kennara þó að ástandið sé hundfúlt. Við verðum bara að taka því. Anna Sigurveig Magnúsdóttir tölvunarfræðingur skaust með dóttur sína, Þórunni Dís Halldórsdóttur, 6 ára, í skólann í gær. "Mér líst ekkert á þetta lengur," sagði hún. "Þetta verkfall hefur tekið alltof langan tíma. Við mættum hérna í gær [á mánudag] til að vera bara snúið við. Sex ára börn eru ofsalega vonsvikin að vera send til baka. Ég vona bara að ástandið leysist með þessum lögum, það verði kennsla næstu mánuði og tíminn geri það að verkum að það verði hægt að semja almennilega við kennara. Það er kannski borin von, ég veit það ekki, en maður vonar það besta," sagði hún. Konur rísa upp Helmingur kennara mætti til kennslu í Austurbæjarskóla á mánudag og helmingur sat heima. Í gær voru flestallir kennarar mættir og kennsla hafin á ný þó að margir kennarar hafi verið ósáttir og flestum hafi liðið illa vegna lagasetningar ríkisstjórnarinnar. Von er á uppsögnum í Austurbæjarskóla eins og fleiri skólum út um allt land í dag og næstu daga. Arnljót Ívarsdóttir er deildarstjóri yngsta stigs og umsjónarkennari í þriðja bekk. "Ég hef lítið heyrt í kennurum í morgun þannig að það er ekki hægt að segja hvernig viðhorf þeirra eru í dag en hér eru langflestir mættir. Við tókum einarða afstöðu á tveimur sunnudagsfundum að sýna einhvers konar mótmæli í gær en það verður ekki meir. Hér reiknum við með eðlilegu skólahaldi frá og með deginum í dag," sagði hún í gær. "Það eru margir að íhuga uppsagnir og það eru ekki bara sýndaruppsagnir heldur uppsagnir sem fólk er búið að íhuga mjög lengi vegna þess að því finnst mælirinn vera orðinn fullur. Fólki sem hefur kennt hérna mjög lengi finnst nóg komið. Þetta tengist líka kvennabaráttu því að þetta er kvennastétt og mörgum konum finnst þær þurfa að rísa upp." Fréttir Innlent Kennaraverkfall Mest lesið Vaktin: Dómari kveður upp um refsingu Diddy Erlent Grunaður um að hafa brotið á fleiri en tíu börnum Innlent Nýsestur á skrifstofunni þegar hann fékk bíl í flasið Innlent Sagt að njóta ótruflaðrar ástar í Venesúela Innlent Starfsmaður á Brákarborg grunaður um kynferðisbrot Innlent Látinn fara eftir að hafa neitað Trump um sverð í eigu Eisenhower Erlent Fólk að bugast þar til hætt var að manna vaktir á föstudögum Innlent „Mér finnst þeir vera að taka frá mér lífið“ Innlent Rekja andlát dóttur að hluta til samsæriskenninga móður Erlent Bein útsending: Siglt áleiðis til Gasa Erlent Fleiri fréttir Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Ingibjörg tekur slaginn við Bergþór Skjálftahrina við Krýsuvík og Kleifarvatn Sagt að njóta ótruflaðrar ástar í Venesúela Bergþór vill verða varaformaður Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Sjá meira
Stefán Jónsson leikstjóri fylgdi átta ára syni sínum, Jóni Gunnari, í skólann. Til viðbótar á hann tvo stráka, 10 og 12 ára, í skólanum og var kennsla þegar hafin hjá þeim. "Það var glundroði hér í gær því að þá voru ekki svo margir kennarar mættir en í dag virðast kennarar ætla að mæta," sagði hann eftir að kennsla var hafin í bekknum hjá syni hans. "Þetta er ömurlegt. Margir upplifa þetta verkfall eins og tímaskekkju. Það er að koma á daginn hversu mikið sýndarvelferðarkerfi ríkir hér á landi. Við þykjumst og viljum telja okkur í hópi Norðurlandanna en í raun og veru erum við eftirbátar hinna Norðurlandanna og erum alltaf frekar að teygja okkur meira til Bandaríkjanna í hugsunarhætti." Eirðarleysi og doði "Kennarastéttin er kvennastétt og það virðist ekki hjálpa þeim frekar en fyrri daginn. Og kannski dálítill áfellisdómur yfir þeim konum sem hafa þó einhver völd í bæjarstjórnum víða um land. Margar konur eru bæjarstjórar og menntamálaráðherra er náttúrulega kona líka. Það er svo sem voðalega auðvelt fyrir ríkið að hafa hent þessum skólum yfir í sveitarfélögin og vilja svo ekki kannast við krógann." Stefán sagði barnagæsluna leysta í verkfallinu með því að vera með krakkana í vinnunni og svo hafi börn komin á ákveðinn aldur gengið sjálfala. "Maður hefur reynt að halda þeim réttu megin við línuna. Þeir eru ekki farnir að brjóta lög eða neitt svoleiðis," sagði hann og taldi börnin hafa "skemmt sér konunglega. En svo hefur reyndar komið leiði í strákana. Dagarnir eru langir, það er eirðarleysi, leti og doði sem hefur sest í þá. En þetta er bara búið að vera ömurlegt ástand og okkur öllum til háborinnar skammar að láta þetta viðgangast." Vonar það bestaÆvar Ísberg, starfsmaður Ríkisskattstjóra, fylgdi Karitas, sjö ára dóttur sinni, í Austurbæjarskólann í gærmorgun. "Við höfum getað bjargað okkur í verkfallinu og höfum ekki lent í neinum vandræðum. Þetta er kjarabarátta kennara og maður verður bara að sætta sig við það," sagði hann og taldi flesta foreldra skilja og styðja kjarabaráttu kennara þó að ástandið í vikunni hefði komið mismunandi illa við fólk. "Ég styð að sjálfsögðu kjarabaráttu kennara þó að ástandið sé hundfúlt. Við verðum bara að taka því. Anna Sigurveig Magnúsdóttir tölvunarfræðingur skaust með dóttur sína, Þórunni Dís Halldórsdóttur, 6 ára, í skólann í gær. "Mér líst ekkert á þetta lengur," sagði hún. "Þetta verkfall hefur tekið alltof langan tíma. Við mættum hérna í gær [á mánudag] til að vera bara snúið við. Sex ára börn eru ofsalega vonsvikin að vera send til baka. Ég vona bara að ástandið leysist með þessum lögum, það verði kennsla næstu mánuði og tíminn geri það að verkum að það verði hægt að semja almennilega við kennara. Það er kannski borin von, ég veit það ekki, en maður vonar það besta," sagði hún. Konur rísa upp Helmingur kennara mætti til kennslu í Austurbæjarskóla á mánudag og helmingur sat heima. Í gær voru flestallir kennarar mættir og kennsla hafin á ný þó að margir kennarar hafi verið ósáttir og flestum hafi liðið illa vegna lagasetningar ríkisstjórnarinnar. Von er á uppsögnum í Austurbæjarskóla eins og fleiri skólum út um allt land í dag og næstu daga. Arnljót Ívarsdóttir er deildarstjóri yngsta stigs og umsjónarkennari í þriðja bekk. "Ég hef lítið heyrt í kennurum í morgun þannig að það er ekki hægt að segja hvernig viðhorf þeirra eru í dag en hér eru langflestir mættir. Við tókum einarða afstöðu á tveimur sunnudagsfundum að sýna einhvers konar mótmæli í gær en það verður ekki meir. Hér reiknum við með eðlilegu skólahaldi frá og með deginum í dag," sagði hún í gær. "Það eru margir að íhuga uppsagnir og það eru ekki bara sýndaruppsagnir heldur uppsagnir sem fólk er búið að íhuga mjög lengi vegna þess að því finnst mælirinn vera orðinn fullur. Fólki sem hefur kennt hérna mjög lengi finnst nóg komið. Þetta tengist líka kvennabaráttu því að þetta er kvennastétt og mörgum konum finnst þær þurfa að rísa upp."
Fréttir Innlent Kennaraverkfall Mest lesið Vaktin: Dómari kveður upp um refsingu Diddy Erlent Grunaður um að hafa brotið á fleiri en tíu börnum Innlent Nýsestur á skrifstofunni þegar hann fékk bíl í flasið Innlent Sagt að njóta ótruflaðrar ástar í Venesúela Innlent Starfsmaður á Brákarborg grunaður um kynferðisbrot Innlent Látinn fara eftir að hafa neitað Trump um sverð í eigu Eisenhower Erlent Fólk að bugast þar til hætt var að manna vaktir á föstudögum Innlent „Mér finnst þeir vera að taka frá mér lífið“ Innlent Rekja andlát dóttur að hluta til samsæriskenninga móður Erlent Bein útsending: Siglt áleiðis til Gasa Erlent Fleiri fréttir Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Ingibjörg tekur slaginn við Bergþór Skjálftahrina við Krýsuvík og Kleifarvatn Sagt að njóta ótruflaðrar ástar í Venesúela Bergþór vill verða varaformaður Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Sjá meira