Spilling á Íslandi

Stjórnmálaflokkar eru taldir undir mestum áhrifum spillingar hér á landi í árlegri könnun Gallup um afstöðu til spillingar. Flokkarnir fengu einkunnina 3,1 af fimm mögulegum, þar sem fimm vísar til mjög mikillar spillingar en einn í enga. Í öðru sæti er einkageirinn í viðskiptum með einkunina þrjá og fjölmiðlarnir í þriðja með 2,9. Stjórnmálaflokkar eru helst taldir undir áhrifum spillingar í 36 löndum af 62 samkvæmt könnun fyrirtækjanna á alþjóðavísu og fá fjóra í einkunn.