Lögreglan á Selfossi leitar vitna

Lögreglan á Selfossi leitar vitna vegna umferðarslyss sem varð á Suðurlandsvegi skammt austan við Hveragerði um klukkan tvö síðastliðinn sunnudag. Þar valt Hyundai Starex bifreið á miðjum veginum þegar henni var ekið í austur frá Hveragerði. Ökumaður bifreiðarinnar varð að fara út í vegöxlina til að koma í veg fyrir árekstur við bifreið sem ekið var á móti og var að fara fram úr öðrum bílum. Lögreglan á Selfossi skorar á ökumann þeirrar bifreiðar að gefa sig fram við sig í síma 480 1010. Ennfremur er ítrekað óskað eftir því að allir þeir, sem þarna voru á ferð og sáu aðdraganda óhappsins, hafi samband við lögregluna.