Dós sem spilar íslenskt lag

Spiladós með hinu geðþekka jólalagi Það á að gefa börnum brauð eftir Jórunni Viðar fæst í versluninni Kirsuberinu á Vesturgötu 4 í Reykjavík. Það er Margrét Guðnadóttir, einn eigenda Kirsubersins, sem á heiðurinn að framtakinu en hún lét fyrir tveimur árum gera spiladósir með íslenskum þjóðlögum. Þær mæltust vel fyrir svo Margrét ákvað að róa áfram á sömu mið. "Þetta er búinn að vera langur ferill. Spiladósirnar sjálfar eru búnar til í Kína og ég byrjaði að undirbúa gerð þessara nýju í apríl," segir Margrét sem sjálf hefur búið til umgjörðina. "Ég reyni að hafa þær svolítið jólalegar og held ég geti fullyrt að það hafi ekki veri