Guðjón Valur með 4 í sigurleik

Guðjón Valur Sigurðsson skoraði 4 mörk þegar Essen sigraði Grosswallstadt 29-24 í þýska handboltanum í gærkvöldi. Einar Hólmgeirsson var markahæstur í liði Grosswallstadt með 6 mörk en Snorri Steinn Guðjónsson skoraði eitt mark. Gylfi Gylfason skoraði 4 mörk þegar Wilhelmshavener tapaði fyrir Gummersbach 25-28. Jalesky Garcia skoraði 7 mörk þegar Göppingen gerði jafntefli, 27-27, við Kiel. Patrekur Jóhannesson skoraði 3 mörk þegar Minden vann Wetzlar 34-20. Róbert Sighvatsson skoraði 2 mörk fyrir Wetzlar.