Góður sigur Valsmanna

Valsmenn unnu í kvöld góðan sigur á Þórsurum í DHL-deild karla í handbolta. Lokatölur urðu 36-29 eftir að staðan í hálfleik hafði verið 19-15 Val í vil. Valsmenn komust með sigrinum upp í annað sæti deildarinnar með 13 stig en Þórsara sitja á botninum með 8 stig. Sigurður Eggertsson var atkvæðamestur í liði Valsmanna ásamt Baldvini Þorsteini en báðir skoruðu þeir 8 mörk. Hlynur Jóhannesson varði 18 skot í marki Vals. Hjá Þórsurum var Árni Þór Sigtryggsson atkvæðamestur að vanda með 8 mörk en Sindri Haraldsson skoraði 5. Leiðindaatvik kom upp í lok leiksins þegar Baldvin sýndi Þórsurum mikla vanvirðingu með því að taka lykkju á leið sína í hraðaupphlaupi og troða knettinum í körfu sem var utan vallar. Lifði þá enn um ein og hálf mínúta af leiknum og sýndu dómarar leiksins Baldvini umsvifalaust og réttilega rauða spjaldið.